Թռչնասեր դպրոցականներ և ուսանողներ,

Միացե՛ք մեր դպրոցին ու ծանոթացե՛ք Հայաստանի թռչունների էկոլոգիային, վարքագծին, կենսակերպի առանձնահատկություններին և պահպանման պահանջներին։

Սեփական երկիրը ճանաչելու ձևերից մեկը դրա բնությունը՝ բուսական և կենդանական աշխարհը բացահայտելն է։ Եթե սիրում ես կենդանիներին, հատկապես, փետրավորներին, հետաքրքրված ես բնապահպանությամբ և էկոլոգիական թեմաներով, ապա բաց մի՛ թող Հայաստանը թռչունների տեսանկյունից բացահայտելու այս հնարավորությունը։

FPWC-ն բոլոր երիտասարդներին հրավիրում է մասնակցելու Հայաստանում բնակվող թռչունների ճանաչողական և ինտերակտիվ էկոդասընթացին։

10 դասից և 2 ճամփորդությունից բաղկացած դասընթացի շնորհիվ կծանոթանաս ՀՀ-ում և տարածաշրջանում հանդիպող թռչունների էկոլոգիային, վարքագծին, կենսակերպի առանձնահատկություններին և պահպանման պահանջներին։

Լրացրու՛ հայտադիմումը մինչև դեկտեմբերի 5-ը։

• Ե՞րբ և որտե՞ղ են լինելու դասերը

Առաջին դասը կլինի դեկտեմբերի 9-ին, ժամը 13:00-ին։

Վայրի մասին հավելյալ կտեղեկացնենք։

• Ովքե՞ր կարող են մասնակցել

15-ը լրացած ու դրանից բարձր տարիքի ցանկացած երիտասարդ:

• Ի՞նչ ճամփորդություններ են սպասվում

Միջին բարդության քայլարշավներ, որոնք ուղեկցվում են թռչնադիտումներով։ Ճամփորդությունների նպատակը թռչուններին իրենց բնական միջավայրում տեսնելն ու վարքագծին ծանոթանալն է։ Այցելելու ենք Կովկասյան կենսաբազմազանության ապաստարան (CWR), Արմաշ և Սևան։ 

• Դասընթացն անվճար է։

• Դասընթացի վերջում տրվում է հավաստագիր (եթե ոչ մի դաս բաց չթողնես)

Հարցերի դեպքում գրի՛ր․

էլ հասցե՝ info@fpwc.org