Միջազգային փորձի ներդրումը Հայաստանում. FPWC-ն մասնակցել է BirdLife International-ի կազմակերպած աշխատաժողովին

Վայրի բնության և մշակութային արժեքների պահպանման հիմնադրամը (FPWC) մասնակցել է Էկոհամակարգերի վերականգնման աշխատանքային խմբի (RWG) 2025 թվականի տարեկան համաժողովին: Հոկտեմբերի 21-ից 23-ը կայացած միջոցառումը հյուրընկալվել էր Doğa Derneği-ի և BirdLife International-ի կողմից:
Աշխատաժողովը համախմբել էր բնապահպանական ոլորտի գործընկերներին Եվրոպայից և Կենտրոնական Ասիայից՝ նպատակ ունենալով փոխանակել փորձը և քննարկել լանդշաֆտային մակարդակի էկոհամակարգերի վերականգնման հեռանկարները:
Քննարկումների առանցքային ուղղություններն էին.

- Լանդշաֆտային վերականգնման այնպիսի մոդելների ուսումնասիրում, որոնք մեծացնում են կլիմայական դիմակայունությունը և նպաստում փոփոխությունների մեղմմանը:
- Էկոհամակարգերի վերականգնմանն ուղղված ֆինանսավորման նոր մեխանիզմների և կորպորատիվ գործընկերությունների դիտարկում:
- Ճանաչողական այցեր վերականգնողական նախագծերի իրականացման վայրեր:

Համաժողովն ամփոփվեց «Վերամիավորում» (Re-Connecting) խորագրով նիստով, որի ընթացքում շեշտադրվեց համատեղ ուսուցման, համագործակցության և դեպի դիմակայուն ու բնությանը միտված գործնական ուղիների կարևորությունը:

FPWC-ն վերահաստատում է իր հանձնառությունը միջազգային համագործակցությանը և Հայաստանի բնապահպանական ծրագրերում վերականգնողական լավագույն փորձի ներդրմանը: